ജില്ലാ പ്രവര്‍ത്തക ക്യാമ്പ് സെപ്തംബര്‍ 17, 18 തീയതികളില്‍ പറവൂര്‍ ഗവ.എല്‍.പി.ജി. സ്ക്കൂളില്‍ നടന്നു. പ്രൊഫസര്‍ പി.കെ.രവീന്ദ്രന്‍ ക്യാമ്പ് ഉദ്ഘാടനം ചെയ്തു. വികസന കാമ്പയിനിന്റെ പ്രസക്തിയും പ്രാധാന്യവും ചൂണ്ടിക്കാണിച്ചുകൊണ്ടാണ് അദ്ദേഹം ഉദ്ഘാടനപ്രസംഗം നടത്തിയത്. സ്വാഗതസംഘം ചെയര്‍പേഴ്സണ്‍ ശ്രീമതി വല്‍സല പ്രസന്നകുമാര്‍ (പറവൂര്‍ മുനിസിപ്പല്‍ ചെയര്‍പേഴ്സണ്‍) സ്വാഗതം പറഞ്ഞു. കേന്ദ്ര നിര്‍വ്വാഹകസമിതിയംഗം ശ്രീ വി.ജി. ഗോപിനാഥ് വികസന കാമ്പയിന്‍ പ്രവര്‍ത്തനങ്ങളും സംസ്ഥാന പ്രവര്‍ത്തക ക്യാമ്പ് തീരുമാനങ്ങളും അവതരിപ്പിച്ചു. ശാസ്ത്രനാടകയാത്രയുടെ അവതരണമുണ്ടായിരുന്നു. ആദ്യദിവസം ശാസ്ത്ര ജാഥയുണ്ടായിരുന്നു.

Categories: Updates