ലോക പരിസ്ഥിതി ദിനാചരണത്തിന്റെ ഭാഗമായി പരിസ്ഥിതി ക്യാമ്പടക്കം വിപുലമായ പ്രവര്ത്തനം സംഘടിപ്പിക്കാന് കേരള ശാസ്ത്ര സാഹിത്യ പരിഷത്ത് ജില്ലാ യുവസമിതി യോഗം തീരുമാനിച്ചു. പരിഷത്തിന്റെ സുവര്ണ ജൂബിലി വാര്ഷികത്തോടനുബന്ധിച്ച് പരിസ്ഥിതിദിനത്തില് ക്യാമ്പസുകള് തെരഞ്ഞെടുത്ത് വൃക്ഷത്തെ നടും. ജൂണ് അഞ്ചിന് ആരംഭിച്ച് ഒരാഴ്ച നീണ്ടുനില്ക്കുന്ന പ്രവര്ത്തനങ്ങള് വിവിധ കോളജുകള്, സ്കൂളുകള്, ടിടിഐകള് കേന്ദ്രീകരിച്ച് നടത്തും. ക്യാമ്പസുകള് കേന്ദ്രീകരിച്ച് ക്യാമ്പസ് ശാസ്ത്ര സമിതി രൂപീകരിക്കാനും തീരുമാനിച്ചു. ജൂണ് 8, 9 തീയതികളില് മൂക്കന്പെട്ടി ട്രൈബല് സ്കൂളിലാവും പരിസ്ഥിതി ക്യാമ്പ് നടക്കുക. യോഗത്തില് യുവസമിതി ജില്ലാ കണ്വീനര് കെ എസ് സനോജ്, നിയാസ് താഴത്തങ്ങാടി, കെ എസ് ശ്യാം എന്നിവര് സംസാരിച്ചു. ഭാരവാഹികളായി ഭവ്യ കെ കുമാര് (പ്രസിഡന്റ്), കെ എസ് ആനന്ദ് (വൈസ് പ്രസിഡന്റ്), എ വി തോംസണ് (സെക്രട്ടറി), കെ ആര് ബാബുജി (ജോയിന്റ് സെക്രട്ടറി), എം എസ് സുജിത്ത് (ട്രഷറര്) എന്നിവരെ തെരഞ്ഞെടുത്തു.
Updates
ചാന്ദ്രയാൻ: ശാസ്ത്രസമൂഹത്തിൻ്റെ അഭിമാനാർഹമായ വിജയം
ചാന്ദ്രയാൻ 3ൻ്റെ വിജയത്തോടുകൂടി ചന്ദ്രൻ്റെ ദക്ഷിണധ്രുവത്തിൽ പര്യവേഷണം നടത്തുന്ന ആദ്യ രാജ്യമായി ഇന്ത്യ ചരിത്രത്തിൽ സ്ഥാനം പിടിക്കുകയാണ്. സ്വാതന്ത്ര്യലബ്ധിമുതലിങ്ങോട്ട് ജവഹർലാൽ നെഹ്റുവിന്റെ നേതൃത്വത്തിൽ ഭരണരംഗത്ത് നയപരമായും വിക്രം സാരാഭായിയെപ്പോലുള്ള ശാസ്ത്രജ്ഞരുടെ നേതൃത്വത്തിൽ ഗവേഷണരംഗത്ത് ശാസ്ത്രീയമായും പാകിയ അടിത്തറയാണ് ഈ വലിയ നേട്ടത്തിലേക്ക് നമ്മളെ എത്തിച്ചിരിക്കുന്നത്. ഇന്ത്യൻ സ്പേസ് റിസേർച്ച് Read more…