Web Editor

നമ്മുടെ പശ്ചിമഘട്ടം എന്താണ് പശ്ചിമഘട്ടം? ദക്ഷിണേന്ത്യയുടെ ജലസ്രോതസ്സും ജൈവവൈവിധ്യകലവറയുമാണ് പശ്ചിമഘട്ടം. അറബിക്കടലില്‍ നിന്നുവരുന്ന നീരാവിനിറഞ്ഞ കാറ്റിനെ തടഞ്ഞുനിര്‍ത്തി വര്‍ഷാവര്‍ഷം മഴ പെയ്യിക്കുന്നത് ഈ മലനിരകളാണ്. ലോകത്തിലെ 35 ജൈവവൈവിധ്യസമ്പന്നമായ സ്ഥാനങ്ങളിലൊന്നാണിത്. ഈ മലനിരകള്‍ അതിര്‍ത്തിയായിവരുന്ന ആറുസംസ്ഥാനങ്ങളിലെ 26 കോടിയോളം വരുന്ന മനുഷ്യരടക്കമുള്ള ജീവജാലങ്ങള്‍ക്ക് ഏറ്റവും അനുയോജ്യമായ ആവാസവ്യവസ്ഥയും ഇതുതന്നെ. വികസനത്തിന്റെ പേരില്‍ നടക്കുന്ന കയ്യേറ്റങ്ങള്‍ പശ്ചിമഘട്ടത്തിന് വന്‍ഭീഷണി ഉയര്‍ത്തുകയാണ്. പശ്ചിമഘട്ടസംരക്ഷണം ഓരോ കേരളീയന്റെയും ജീവന്‍മരണപ്രശ്‌നമാണിന്ന്. പശ്ചിമഘട്ടമെന്ന ആവാസവ്യവസ്ഥയെ സംരക്ഷിക്കാനുള്ള പോരാട്ടങ്ങള്‍ക്ക് Read more…

പണം കഥ പറയുന്നു പണം ഉണ്ടായതെങ്ങനെ? കറന്‍സിയും നാണയവും എന്തിനെ പ്രതിനിധാനം ചെയ്യുന്നു? പണത്തിന്റെ സാമൂഹ്യവും രാഷ്ട്രീയവുമായ ധര്‍മമെന്ത്? തുടങ്ങിയ ധനശാസ്ത്രവിശകലനം.

രസതന്ത്രം : ഭാഷയും വ്യാകരണവും അണുക്കള്‍ സംയോജിക്കുന്നത് എങ്ങനെ? എന്തുകൊണ്ട്? അതിന്റെ നിയമങ്ങള്‍ എന്ത്? രസതന്ത്രത്തിന്റെ അടിസ്ഥാനതത്വങ്ങള്‍ അളവുപരമായും ആശയപരമായും വിശദീകരിക്കുന്നു. രസതന്ത്രം ഇനി ആസ്വദിച്ചുപഠിക്കാം.

ചരിത്രം ഉണ്ടാകുന്നത് ചരിത്രം വായിക്കേണ്ടതും പഠിക്കേണ്ടതും എങ്ങനെ, എന്തിന് എന്നും ചരിത്രത്തില്‍ നിന്ന് നാം പഠിക്കുന്നതെന്ത് എന്നും അന്വേഷിക്കുന്ന ചരിത്രശാസ്ത്ര വിശകലനം. വിദ്യാര്‍ഥികള്‍ക്ക് ചരിത്രപഠനത്തിന് ഒരു വഴികാട്ടി.

ഭൗതികലോകം അതിരില്ലാത്ത പ്രപഞ്ചവിസ്തൃതി, സൂക്ഷ്മ-സ്ഥൂലപ്രപഞ്ചത്തിന്റെ അസ്തിത്വം, കാണുന്നതും കാണാത്തതുമായ ദ്രവ്യത്തിന്റെ ഘടന, ക്വാര്‍ക്കുകളും മറ്റും അടങ്ങുന്ന സൂക്ഷ്മലോകവിശേഷങ്ങള്‍, ദ്രവ്യത്തിന് ദ്രവ്യമാനം കിട്ടിയതിന്റെ പൊരുള്‍, ക്വാസാറുകളും പള്‍സാറുകളും വേംഹോളുകളും എല്ലാം വിശദീകരിക്കുന്നു. ഇതൊക്കെ പഠിക്കാന്‍ നമുക്ക് കഴിയുന്ന പ്രപഞ്ചനിയമങ്ങളും ഈ പുസ്തകത്തില്‍ ഉണ്ട്.

അതിരുകളില്ലാത്ത സ്വപ്നങ്ങള്‍ – ആറ് ശാസ്ത്രനാടകങ്ങള്‍ വിദ്യാലയങ്ങളിലും യുവജനോത്സവങ്ങളിലും അവതരിപ്പിക്കാവുന്നതും പഠനാര്‍ഹവുമായ ആറ് ശാസ്ത്രനാടകങ്ങള്‍.

ആര്‍.സി.സിയിലെ അത്ഭുതക്കുട്ടികള്‍ തിരുവനന്തപുരത്തേയ്ക്ക് വടക്കന്‍ കേരളത്തില്‍ നിന്ന് രാത്രിസമയത്തുള്ള പല ട്രെയിനുകളും കാന്‍സര്‍വണ്ടികളാണ്. യാത്രക്കാരിലെ പകുതിയോളം കാന്‍സര്‍ചികിത്സയ്ക്കായി തിരുവനന്തപുരത്തെ ആര്‍ സി സി യിലേയ്ക്ക് പോകുന്നവരാണ്. ഇവരിലെ നല്ലൊരുഭാഗം രക്താര്‍ബുദരോഗികളായ കുരുന്നുകളും. രക്തദാനത്തെക്കുറിച്ച് കുട്ടികള്‍ക്കിടയില്‍ അവബോധമുണ്ടാക്കുക എന്ന ഉദ്ദേശ്യത്തോടെ രചിച്ച കൊച്ചുനോവല്‍.

രാഷ്ട്രീയത്തില്‍ നിന്ന് ശാസ്ത്രഗവേഷണത്തിലേക്ക് : ഒരു ശാസ്ത്രജ്ഞന്റെ ഓര്‍മക്കുറിപ്പുകള്‍ രാഷ്ട്രം പത്മശ്രീ പുരസ്‌കാരം നല്‍കി ആദരിച്ച പ്രമുഖ ശാസ്ത്രജ്ഞനായ ഡോ.എം.വിജയന്റെ വിദ്യാര്‍ഥിജീവിതസ്മരണകള്‍.

വായിച്ച് വായിച്ച് വായിച്ചുപോവുന്ന കഥകള്‍ പണ്ടുമുതലേ പറഞ്ഞുവരുന്ന കഥകളാണ് ഇപ്പോഴും കുട്ടികള്‍ കേള്‍ക്കുന്നതും വായിക്കുന്നതും. പഴയ കാക്കയും പഴയ സിംഹവും പഴയ കുറുക്കനും പഴങ്കഥ തുടരുകയാണ്. പുതിയ കാലത്തെ കുറുക്കനും കാക്കയും ആമയും മുയലുമൊക്കെ പുതു കഥകള്‍ പറയണം. പുതിയ രീതിയിലുള്ള കഥ പറയണം. ആ കഥയില്‍ നിന്ന് കുട്ടികള്‍ ഒരുപാടൊരുപാട് കഥയുണ്ടാക്കണം. അതിന് ഇതാ ‘വായിച്ചു വായിച്ചു വായിച്ചു പോവുന്ന കഥകള്‍…’ വായിച്ചു തുടങ്ങിയാല്‍ വായിച്ചു മതിയാവാത്ത കുട്ടിക്കഥകളാണിവ. Read more…

വിദ്യാഭ്യാസപരിവര്‍ത്തനത്തിന് ഒരാമുഖം (പരിഷ്‌കരിച്ച പതിപ്പ്) ലോകപ്രശസ്തരായ വിദ്യാഭ്യാസദാര്‍ശനികന്മാരുടെ ചിന്തകള്‍, മനഃശാസ്ത്രശാഖകള്‍ മുന്നോട്ടുവയ്ക്കുന്ന പഠനസംബന്ധമായ കാഴ്ചപ്പാടുകള്‍, ചേഷ്ടാവാദത്തില്‍ നിന്ന് ജ്ഞാനനിര്‍മിതിവാദത്തിലേക്കും സാമൂഹികജ്ഞാനനിര്‍മിതിവാദത്തിലേക്കുമുള്ള വിദ്യാഭ്യാസത്തിന്റെ സൈദ്ധാന്തികതലത്തിലുള്ള വളര്‍ച്ച, പാഠ്യപദ്ധതിരൂപീകരണത്തിന് അടിത്തറയാവേണ്ട നവ മനഃശാസ്ത്രസിദ്ധാന്തങ്ങള്‍, ഭാഷാപഠനത്തിനുള്ള നവീനസമീപനങ്ങള്‍ തുടങ്ങിയവ ഈ പുസ്തകം ആഴത്തില്‍ പരിശോധിക്കുന്നു. നാളത്തെ വിദ്യാഭ്യാസത്തെക്കുറിച്ച് ഗൗരവപൂര്‍വം ചിന്തിക്കുന്നവര്‍ക്ക് തീര്‍ച്ചയായും ഇതൊരു വഴികാട്ടിയാണ്. പരിഷത്തിന്റെ വിദ്യാഭ്യാസഗവേഷണകേന്ദ്രം (Educational Research Unit) 2002-ല്‍ തയ്യാറാക്കിയ ഗ്രന്ഥത്തിന്റെ പരിഷ്‌കരിച്ച പതിപ്പ്.