Web Editor

ഉയിര്‍നീര് വെള്ളം ജീവന്റെ നിലനില്‍പ്പാണ്, ചലനമാണ്, സത്താണ്. എന്നാല്‍ വെള്ളത്തെപ്പറ്റി നമുക്കുള്ള അറിവ് പരിമിതവുമാണ്. അതിനെപ്പറ്റി അറിയാന്‍ ശ്രമിക്കുന്തോറും പിന്നെയും പിന്നെയും അറിയാനുണ്ടെന്ന് ബോധ്യമാകും. വെള്ളത്തിന്റെ രാസ-ഭൗതിക-ജൈവ ഗുണങ്ങള്‍, വെള്ളവും പ്രകൃതിയും, ജലമലിനീകരണവും നിവാരണവും, വെള്ളത്തിന്റെ ഉപയോഗങ്ങളും ദുരുപയോഗങ്ങളും, വെള്ളത്തെ സംബന്ധിച്ച നിയമങ്ങള്‍, ആഗോള ജലക്ഷാമം, വെള്ളത്തിന്റെ രാഷ്ട്രീയവും കച്ചവടവും തുടങ്ങി അപരിമേയമായ ജലത്തെപ്പറ്റി അറിയേണ്ട പ്രധാന വിഷയങ്ങളെല്ലാം വിശദമായി പ്രതിപാദിക്കുന്ന ഗ്രന്ഥം.

യൂറിന്‍ തെറാപ്പി : ചരിത്രവും ശാസ്ത്രവും കപടസാക്ഷ്യങ്ങളുടെ പിന്‍ബലത്തോടെ പ്രചരിപ്പിക്കപ്പെടുന്ന അടിസ്ഥാനമില്ലാത്ത ‘ചികിത്സ’യാണു യൂറിന്‍ തെറാപ്പി. പൊതുജനത്തിന്റെ യുക്തിബോധക്കുറവിനെ പ്രയോജനപ്പെടുത്തി അവരെ കബളിപ്പിക്കുന്ന ക്രൂരവിനോദമാണിത്. മൂത്രമെന്ന വിസര്‍ജ്യത്തെ സര്‍വരോഗസംഹാരിയായി വേഷംകെട്ടിച്ചിറക്കിയതിന്റെ പിന്നാമ്പുറക്കഥകളാണ് ഈ പുസ്തകത്തിലെ പ്രതിപാദ്യം. സമര്‍ഥമായ കുയുക്തികള്‍ ഉപയോഗിച്ച് സാമാന്യജനത്തെ എങ്ങനെ വഴിതെറ്റിക്കുന്നുവെന്ന് ചൂണ്ടിക്കാണിക്കുന്ന വിശകലനം. ദുര്‍ബലമായിക്കൊണ്ടിരിക്കുന്ന മലയാളിയുടെ യുക്തിബോധത്തെ ശക്തിപ്പെടുത്താനുള്ള ഒരു എളിയ ശ്രമം.

പാഠം രണ്ട് : ഭാരതം പത്ത് നാടകങ്ങളുടെ സമാഹാരമാണ് ‘പാഠം രണ്ട്: ഭാരതം’. പ്രൈമറി, അപ്പര്‍ പ്രൈമറി, ഹൈസ്‌കൂള്‍ ക്ലാസ്സുകളിലെ കലാപഠനത്തെ അധികരിച്ച് കുട്ടികളുടെ മാനസികവും ശാരീരികവുമായ ശേഷികളുടെ വികസനത്തില്‍ ‘നാടകീകരണം’ എങ്ങനെ ഫലപ്രദമായി വിനിയോഗിക്കാം എന്നതിനെക്കുറിച്ചുള്ള ഒരു പഠനക്കുറിപ്പും അധ്യാപകര്‍ക്കു മാര്‍ഗദര്‍ശിയാകുംവിധം ഇതില്‍ അനുബന്ധമായി നല്‍കിയിട്ടുണ്ട്. വിദ്യാര്‍ഥികള്‍ക്കും മറ്റു നാടകകുതുകികള്‍ക്കും മികച്ച ഒരു വായനാസാമഗ്രി എന്ന നിലയ്ക്കും അവതരണയോഗ്യമായ ദൃശ്യമാധ്യമം എന്ന നിലയ്ക്കും ഈ നാടകസമാഹാരം ഒരുപോലെ പ്രയോജനപ്രദമായിരിക്കും.

കേരളനവോത്ഥാനവും യുക്തിചിന്തയും നവോത്ഥാനത്തിന്റെ നേട്ടങ്ങളിലൊന്ന് സത്യം പറയാനുള്ള കൂസലില്ലായ്മയാണെന്നു വൈലോപ്പിള്ളി ശ്രീധരമേനോന്‍ ‘കാവ്യലോകസ്മരണ’കളില്‍ വ്യക്തമാക്കുന്നുണ്ട്. അതേ, തീര്‍ച്ചയായും നവോത്ഥാനം നൈതികതയുടെ വേലിയേറ്റമാണ്. യുക്തിബോധത്തിന്റെ ജാഗരണമാണ്. പ്രത്യഭിജ്ഞാനമാണ്. ആലസ്യത്തില്‍നിന്ന് ആത്മാഭിമാനത്തിലേക്കുള്ള ഉണര്‍വാണ്. എന്നാല്‍ ഒന്നേകാല്‍ നൂറ്റാണ്ടുമുമ്പ് ആരംഭിച്ച കേരളീയ നവോത്ഥാനസംരംഭങ്ങളെ അനുഷ്ഠാനപരമായ അന്യഥാകരണത്തിലേക്ക് സമകാലികര്‍ അധഃപതിപ്പിച്ചു. അപമാനകരമായ, ഇത്തരമൊരു കോച്ചിപ്പിടുത്തത്തിന്റെ കാലത്ത് ഓര്‍മകളെ പ്രത്യാനയിക്കാനുള്ള വിനീതമായ ഒരിടപെടലാണ് കേരളനവോത്ഥാനവും യുക്തിചിന്തയും എന്ന ലേഖനസമാഹാരം – ചരിത്രം കരുതിവച്ച അതിന്റെ ധൈഷണികരേഖകള്‍. അന്ധവിശ്വാസങ്ങളുടെയും Read more…

ജ്യോതിഷവും ജ്യോതിശ്ശാസ്ത്രവും (പരിഷ്‌കരിച്ച പതിപ്പ്) ജ്യോതിഷം എന്നത് മിക്ക ആളുകള്‍ക്കും ജ്യോത്സ്യത്തിന്റെ ഒരു പര്യായപദം മാത്രമാണ്. സാധാരണക്കാരെ ചൂഷണം ചെയ്യാന്‍ ചില ബുദ്ധിമാന്മാര്‍ പടച്ചുണ്ടാക്കിയ അന്ധവിശ്വാസങ്ങള്‍ എന്നേ പലരും കരുതുന്നുള്ളൂ. മറ്റു ചിലര്‍ക്ക് അതിനോട് അന്ധമായ ആരാധനാഭാവവുമാണ്. ഈ രണ്ടു നിലപാടുകള്‍ക്കിടയില്‍ സത്യം കണ്ടെത്താനുള്ള ഒരന്വേഷണമാണ് ഈ പുസ്തകം. ജ്യോതിശ്ശാസ്ത്രത്തെയും ജ്യോതിഷത്തെയും സംബന്ധിച്ച് അനേകം ഗ്രന്ഥങ്ങള്‍ ലഭ്യമാണെങ്കിലും രണ്ടിനെയും തമ്മില്‍ യുക്തിസഹമായി ബന്ധിപ്പിക്കുന്ന ഒരു പുസ്തകത്തിന്റെ അഭാവം പലപ്പോഴും അനുഭവപ്പെട്ടിട്ടുണ്ട്. Read more…

ഹരിതവഴി കേരളത്തിലെ അറിയപ്പെടുന്ന കവിയും നാടകകൃത്തുമായ എം.എം.സചീന്ദ്രന്റെ പുതിയ കവിതാസമാഹാരം. കഴിഞ്ഞ കുറേ വര്‍ഷങ്ങളായി പരിഷത്തിന്റെ ശാസ്ത്രകലാജാഥയുടെ മുഖ്യശില്‍പികളില്‍ ഒരാളായ സചീന്ദ്രന്‍ ജാഥയ്ക്കുവേണ്ടിയും പരിഷത്തിന്റെ മറ്റ് ക്യാമ്പെയിനുകള്‍ക്കും സമ്മേളനങ്ങള്‍ക്കും വേണ്ടിയും എഴുതിയവയാണ് ഇതിലെ മിക്ക രചനകളും. നൂറുകണക്കിന് വേദികളില്‍ ആലപിക്കുകയും സംഗീതശില്‍പങ്ങളായി അവതരിപ്പിക്കുകയും ചെയ്ത ഈ കവിതകള്‍ ആയിരക്കണക്കിന് ആളുകളെ ആകര്‍ഷിച്ചിട്ടുണ്ട്; ആവേശം കൊള്ളിച്ചിട്ടുണ്ട്. കേരളീയസമൂഹം നെഞ്ചേറ്റിയ ഈ കവിതകള്‍ സാമൂഹികശാസ്ത്രവും ശാസ്ത്രവും എങ്ങനെ കാവ്യാത്മകമായി ആവിഷ്‌കരിക്കാമെന്നതിന്റെ മികച്ച മാതൃകകളാണ്.

കുട്ടികളുടെ പ്രകാശം ഭൗതികശാസ്ത്രത്തിന്റെ മുന്നേറ്റത്തിന് പ്രകാശത്തെക്കുറിച്ചുള്ള പഠനം നല്കിയ സംഭാവന വളരെ വലുതാണ്. പരീക്ഷണങ്ങളിലൂടെയും നിരീക്ഷണങ്ങളിലൂടെയും തുടര്‍ച്ചയായി വികസിക്കുകയും പരിഷ്‌കരിക്കുകയും ചെയ്യുന്ന ശാസ്ത്രത്തിന്റെ തനത് രീതി പ്രകാശവിജ്ഞാനവികാസത്തില്‍ വളരെ പ്രത്യക്ഷത്തില്‍ തന്നെ നമുക്ക് കാണാവുന്നതാണ്. ശാസ്ത്രത്തിന്റെ ഈ രീതിയും പ്രകാശശാസ്ത്രത്തിന്റെ വിവിധ മേഖലകളും പരിചയപ്പെടുത്തുകയും ലഭ്യമായ സൗകര്യങ്ങളുപയോഗിച്ച് സ്വയം പരീക്ഷണങ്ങള്‍ ചെയ്യുന്നതിന് സഹായിക്കുകയും ചെയ്യുന്ന പുസ്തകമാണിത്. രണ്ട് ഭാഗങ്ങളിലായി ക്രമീകരിച്ചിരിക്കുന്ന അധ്യായങ്ങളില്‍, ആദ്യഭാഗം പ്രകാശശാസ്ത്രത്തിന്റെ വികാസപരിണാമങ്ങളും പ്രകാശപ്രതിഭാസങ്ങളും വിശകലനം ചെയ്യുന്നു. Read more…

‘കുലസ്ത്രീയും’ ‘ചന്തപ്പെണ്ണും’ ഉണ്ടായതെങ്ങനെ? അഥവാ ആധുനികമലയാളിസ്ത്രീകളുടെ ചരിത്രത്തിന് ഒരു ആമുഖം കേരളമാതൃകാസ്ത്രീത്വം ഏറെ പ്രകീര്‍ത്തിക്കപ്പെട്ടപ്പോഴും കേരളത്തെ കേന്ദ്രീകരിച്ചുള്ള വിജ്ഞാനശാഖകളില്‍ മലയാളിസ്ത്രീകളുടെ ശബ്ദവും സാന്നിദ്ധ്യവും അടുത്തകാലംവരെയും കുറഞ്ഞുതന്നെയാണിരുന്നത്. തന്നെയുമല്ല, കേരളത്തിലെ ലിംഗബന്ധങ്ങളുടെചരിത്രത്തെക്കുറിച്ച് നിലവിലുള്ള പ്രബലധാരണകള്‍ സമകാലിക മലയാളിസമൂഹത്തിന്റെ ലിംഗപരമായ പ്രത്യേകതകളെ, സമസ്യകളെ, തിരിച്ചറിയാനോ വിശദീകരിക്കാനോ നമ്മെ സഹായിക്കുന്നില്ല. ഈ പ്രശ്‌നങ്ങള്‍ ഒരളവുവരെ ഇന്ന് പരിഹരിക്കപ്പെടുന്നുണ്ട്. ചരിത്രമെന്നാല്‍ രാഷ്ട്രീയചരിത്രം എന്ന വ്യവസ്ഥാപിതധാരണ മാറുന്നതനുസരിച്ച് വര്‍ത്തമാനകാലപ്രശ്‌നങ്ങളെക്കുറിച്ചുള്ള പൊതുചര്‍ച്ചകളില്‍ ചരിത്രവിജ്ഞാനത്തിനും വീക്ഷണത്തിനും മുന്തിയ പ്രാധാന്യമുണ്ടെന്ന് നാം Read more…

ഹരണഫലം സ്വതേ വികടമായിത്തീര്‍ന്ന സമകാലികാവസ്ഥയെ പ്രതിനിധാനം ചെയ്യുകയെന്നത് സര്‍ഗാത്മകമായ ഒരു വെല്ലുവിളി അല്ലാതെയായിരിക്കുന്ന ഒരു സാഹചര്യത്തില്‍, നവീനസങ്കേതങ്ങളെ അവലംബിക്കാന്‍ ഒരു കാര്‍ട്ടൂണിസ്റ്റ് നിര്‍ബന്ധിതനാവുന്നതിന്റെ സാക്ഷ്യപത്രം കൂടിയാണ് സമാഹാരം. പ്രശ്‌നവിഷയങ്ങളെ ധ്വന്യാത്മകമായും പലപ്പോഴും നിശ്ശബ്ദവുമായും വ്യവഹരിക്കാന്‍ ത്വരപ്പെടുന്ന രചനാരീതി. കഴിഞ്ഞ രണ്ടുദശാബ്ദക്കാലമായി പൊതുസമൂഹത്തെ ഞെട്ടിക്കുകയും സ്വാധീനിക്കുകയും അമ്പരിപ്പിക്കുകയുമൊക്കെ ചെയ്ത പ്രശ്‌നപരിസരങ്ങളെ സജീവസംവാദങ്ങളിലൂടെ പ്രത്യാനയിക്കാന്‍ പ്രാപ്തമാണ് ഈ സമാഹാരം. പ്രൊഫ.കല്‍പറ്റ നാരായണന്റെ അവതാരിക.

അക്കങ്ങളുടെചരിത്രം ജന്തുമൃഗാദികള്‍ക്ക് എണ്ണുവാന്‍ കഴിവുണ്ടോ ? മനുഷ്യന്‍ എന്നാണ് എണ്ണുവാന്‍ തുടങ്ങിയത് ? എന്തുകൊണ്ടാണ് കൂട്ടുവാനും കുറയ്ക്കുവാനും കഴിയുന്നത് ? അക്കങ്ങള്‍ക്കു പിന്നില്‍ ഒരു ശാസ്ത്രം ഉണ്ടോ ? ശാസ്ത്രലോകത്തിന് ഇന്ത്യ നല്‍കിയ ഏറ്റവും വലിയ സംഭാവനയാണ് സംഖ്യാശാസ്ത്രം. ”ലോകം കണ്ട ഏറ്റവും പ്രയോജനകരമായ കണ്ടുപിടിത്തം” എന്നാണ് ഫ്രഞ്ച് ശാസ്ത്രജ്ഞന്‍ ലാപ്ലാസ് ഇതിനെ വിശേഷിപ്പിച്ചത്. ആധുനിക ഗണിതശാസ്ത്രത്തിന്റെ അടിത്തറ പാകിയത് ഈ സംഖ്യാരൂപമാണ്. 1500 വര്‍ഷങ്ങള്‍ക്കു മുന്‍പുനടന്ന ഈ കണ്ടുപിടിത്തത്തിന്റെ Read more…