Updates

കവിതാഹൃദയം കവിതയുടെ ഹൃദയത്തിലേയ്‌ക്കെത്താന്‍ എത്ര മാര്‍ഗങ്ങളുണ്ട് ? ഒരൊറ്റ മാര്‍ഗമല്ല ഉള്ളതെന്ന് തീര്‍ച്ച. വിവിധവും വ്യത്യസ്തവുമായ മാര്‍ഗങ്ങള്‍ സഹൃദയരുടെ മുമ്പില്‍ എന്നുമുണ്ടായിരുന്നു. ഓരോരുത്തരുടെയും മാര്‍ഗം നിശ്ചയിക്കുന്നത് അവരുടെ സാഹിത്യപരിചയവും ജീവിതാനുഭവങ്ങളും സാംസ്‌കാരികപരിതോവസ്ഥയുമായിരിക്കും. കവിതാഹൃദയം തേടിയുള്ള അന്വേഷണത്തില്‍ വിദ്യാര്‍ത്ഥികള്‍ക്ക് ഒരുത്തമവഴികാട്ടിയായിരിക്കും ഈ ഗ്രന്ഥം. കവിതയുടെ ഹൃദയം കണ്ടെത്തുന്നതിലും അത് വിദ്യാര്‍ത്ഥികള്‍ക്ക് പകര്‍ന്നുകൊടുക്കുന്നതിലും അതുല്യമായ പ്രാഗത്ഭ്യം പ്രകടിപ്പിച്ചിട്ടുള്ള, മലയാളത്തിലെ ഏറ്റവും പ്രമുഖ സാഹിത്യവിമര്‍ശകരില്‍ ഒരാളായ കെ.പി.ശങ്കരന്റെ പ്രൗഢമായ ഗ്രന്ഥം.

ഗണിതത്തിന്റെ അത്ഭുതലോകം ഗണിതശാസ്ത്രം ഭയക്കുന്നവര്‍ക്കും സ്‌നേഹിക്കുന്നവര്‍ക്കും ഒരു പുതിയ ഗണിതാനുഭവം. അക്കങ്ങളുടെയും മറ്റു ഗണിതസങ്കല്‍പനങ്ങളുടെയും മൂര്‍ത്തമായ ആവിഷ്‌കാരം.

നമ്മുടെ പശ്ചിമഘട്ടം എന്താണ് പശ്ചിമഘട്ടം? ദക്ഷിണേന്ത്യയുടെ ജലസ്രോതസ്സും ജൈവവൈവിധ്യകലവറയുമാണ് പശ്ചിമഘട്ടം. അറബിക്കടലില്‍ നിന്നുവരുന്ന നീരാവിനിറഞ്ഞ കാറ്റിനെ തടഞ്ഞുനിര്‍ത്തി വര്‍ഷാവര്‍ഷം മഴ പെയ്യിക്കുന്നത് ഈ മലനിരകളാണ്. ലോകത്തിലെ 35 ജൈവവൈവിധ്യസമ്പന്നമായ സ്ഥാനങ്ങളിലൊന്നാണിത്. ഈ മലനിരകള്‍ അതിര്‍ത്തിയായിവരുന്ന ആറുസംസ്ഥാനങ്ങളിലെ 26 കോടിയോളം വരുന്ന മനുഷ്യരടക്കമുള്ള ജീവജാലങ്ങള്‍ക്ക് ഏറ്റവും അനുയോജ്യമായ ആവാസവ്യവസ്ഥയും ഇതുതന്നെ. വികസനത്തിന്റെ പേരില്‍ നടക്കുന്ന കയ്യേറ്റങ്ങള്‍ പശ്ചിമഘട്ടത്തിന് വന്‍ഭീഷണി ഉയര്‍ത്തുകയാണ്. പശ്ചിമഘട്ടസംരക്ഷണം ഓരോ കേരളീയന്റെയും ജീവന്‍മരണപ്രശ്‌നമാണിന്ന്. പശ്ചിമഘട്ടമെന്ന ആവാസവ്യവസ്ഥയെ സംരക്ഷിക്കാനുള്ള പോരാട്ടങ്ങള്‍ക്ക് Read more…

പണം കഥ പറയുന്നു പണം ഉണ്ടായതെങ്ങനെ? കറന്‍സിയും നാണയവും എന്തിനെ പ്രതിനിധാനം ചെയ്യുന്നു? പണത്തിന്റെ സാമൂഹ്യവും രാഷ്ട്രീയവുമായ ധര്‍മമെന്ത്? തുടങ്ങിയ ധനശാസ്ത്രവിശകലനം.

രസതന്ത്രം : ഭാഷയും വ്യാകരണവും അണുക്കള്‍ സംയോജിക്കുന്നത് എങ്ങനെ? എന്തുകൊണ്ട്? അതിന്റെ നിയമങ്ങള്‍ എന്ത്? രസതന്ത്രത്തിന്റെ അടിസ്ഥാനതത്വങ്ങള്‍ അളവുപരമായും ആശയപരമായും വിശദീകരിക്കുന്നു. രസതന്ത്രം ഇനി ആസ്വദിച്ചുപഠിക്കാം.

ചരിത്രം ഉണ്ടാകുന്നത് ചരിത്രം വായിക്കേണ്ടതും പഠിക്കേണ്ടതും എങ്ങനെ, എന്തിന് എന്നും ചരിത്രത്തില്‍ നിന്ന് നാം പഠിക്കുന്നതെന്ത് എന്നും അന്വേഷിക്കുന്ന ചരിത്രശാസ്ത്ര വിശകലനം. വിദ്യാര്‍ഥികള്‍ക്ക് ചരിത്രപഠനത്തിന് ഒരു വഴികാട്ടി.

ഭൗതികലോകം അതിരില്ലാത്ത പ്രപഞ്ചവിസ്തൃതി, സൂക്ഷ്മ-സ്ഥൂലപ്രപഞ്ചത്തിന്റെ അസ്തിത്വം, കാണുന്നതും കാണാത്തതുമായ ദ്രവ്യത്തിന്റെ ഘടന, ക്വാര്‍ക്കുകളും മറ്റും അടങ്ങുന്ന സൂക്ഷ്മലോകവിശേഷങ്ങള്‍, ദ്രവ്യത്തിന് ദ്രവ്യമാനം കിട്ടിയതിന്റെ പൊരുള്‍, ക്വാസാറുകളും പള്‍സാറുകളും വേംഹോളുകളും എല്ലാം വിശദീകരിക്കുന്നു. ഇതൊക്കെ പഠിക്കാന്‍ നമുക്ക് കഴിയുന്ന പ്രപഞ്ചനിയമങ്ങളും ഈ പുസ്തകത്തില്‍ ഉണ്ട്.

അതിരുകളില്ലാത്ത സ്വപ്നങ്ങള്‍ – ആറ് ശാസ്ത്രനാടകങ്ങള്‍ വിദ്യാലയങ്ങളിലും യുവജനോത്സവങ്ങളിലും അവതരിപ്പിക്കാവുന്നതും പഠനാര്‍ഹവുമായ ആറ് ശാസ്ത്രനാടകങ്ങള്‍.

ആര്‍.സി.സിയിലെ അത്ഭുതക്കുട്ടികള്‍ തിരുവനന്തപുരത്തേയ്ക്ക് വടക്കന്‍ കേരളത്തില്‍ നിന്ന് രാത്രിസമയത്തുള്ള പല ട്രെയിനുകളും കാന്‍സര്‍വണ്ടികളാണ്. യാത്രക്കാരിലെ പകുതിയോളം കാന്‍സര്‍ചികിത്സയ്ക്കായി തിരുവനന്തപുരത്തെ ആര്‍ സി സി യിലേയ്ക്ക് പോകുന്നവരാണ്. ഇവരിലെ നല്ലൊരുഭാഗം രക്താര്‍ബുദരോഗികളായ കുരുന്നുകളും. രക്തദാനത്തെക്കുറിച്ച് കുട്ടികള്‍ക്കിടയില്‍ അവബോധമുണ്ടാക്കുക എന്ന ഉദ്ദേശ്യത്തോടെ രചിച്ച കൊച്ചുനോവല്‍.

രാഷ്ട്രീയത്തില്‍ നിന്ന് ശാസ്ത്രഗവേഷണത്തിലേക്ക് : ഒരു ശാസ്ത്രജ്ഞന്റെ ഓര്‍മക്കുറിപ്പുകള്‍ രാഷ്ട്രം പത്മശ്രീ പുരസ്‌കാരം നല്‍കി ആദരിച്ച പ്രമുഖ ശാസ്ത്രജ്ഞനായ ഡോ.എം.വിജയന്റെ വിദ്യാര്‍ഥിജീവിതസ്മരണകള്‍.